المنتدى :
الشعر المنقول
ياالله يارحمن يارب السماء=== ياوحد كل الملا تشكي له
ساْلك ب طه ثم صاد والزمر === وبحق منهو للاْنام وسيله
افرج لقلب ذاب من حر الجواء === والنفس من شد الغرام عليله
اسهر اراعي النجم في طب الفلك === والحال يامشكي مني نحيله
امس الضحى وافيت غزلان المها === البيض ويا السمر ويش الحيله
جن البنات الخضر معهن واجلسن === وقال بنا احكم بخير فصيله
فرحت وازداد السرور بخا طري === وشكلت معهن ياوي تشكيله
تـبـدت الــبـيـضاء وقـالت يافتى === حنا الرمك وحنا خيول اصيله
حنا شعاع الشمس تاضي لاشرقت === نورالمنازل زاد سعد من نصفيله
ردت السمراء وقالت في عجب === يكفيك عن كثر الكلام قليله
حنا السمر كل الملا يشهد لنا === الحسن فينا والعيون كحيله
حنا الذي فينا يقول الشاعر === روح الجمال وكل سمراء جميله
تدنت الخضراء وقامت تفتخر === وقالت حكيكم مالقت مثيله
حنا الغصون الخضرلياهب الهوى === قمنا نتهصروالغصون ضليله
وش خانة الروض الجديب الممحل === لابيضت ارضه ماحد يسعي له
لااخضروسط الروض شفته يزهي === لون الخضر حذرا تدور بديله
التفتت البيضاء وهي تبتسم === وقالت لهن هالمدح من يصغي له
حنا العذاراء البيض ربات الحسن === اهل الجعود ضافياتن بسيله
ولا الخضر والسمر لو تجمعن === ما فيهم اللي تنفتح عيني له
قالت السمراء دخيلك اسكتي === بدا الحسن فينا ولنا تكميله
حنا نفت الكبد في طرد الهوى === وما كل احد في وصلنا نسخي له
السمر مابغير السمر تلقى الحسن === من شفنا ضيع وتاه دليله
فيما انا اسمع وهن يتشاجرن === يوم اقبلت شمطاء عجوز طويله
جتنا على عكاز يامال الوهم === محدودبه وابليس معها تشيله
قالت علامك جالسن وسط المها === قط جيتهن تعمل معاهن حيله
قلت ياجده حشى مالي بهن === مالي بهم قصد ولالي وسيله
انا مسيكين اسير بدربي === عـابـر سـبيل لاتقطعين سبيله
ضحكت وقالت تبي خداعي === ماني من تــنــخــدع بالحيله
قلت خوفي الله ماني عرفك ترى === لاتتهميني ذي امور مهيله
انا مطوع ما افارق مسجدي === اقراء واسبح والصلاه كل ليله
قالت اعرفك لاتخفي نفسك === لاتفتكر هذا الهذر بصغيله
انت خراب الدار انت ملكع === ماتحل في روض ويعمر جيله
لاكن اني ابسعي لك بقطع الوصل === من كل مجمول تحب تجيله
قلت اشهد انك ياعجوز رجيمه === ولبليس من اليوم غديتي خليله
قالت تسب العجز اهل الديانه === اهل الذمم واهل الامور الجميله
قلت تخسون انتم مفاتيح المكر === ما منــكم الي تــدي الــتـهـلــيـله
انتم وقود النار في يوم الحشر === وادي جــهنــم ينتظركم وكيله
قالت تعدينا وحنا جماعه === قــبـيـلة يــاوي والله قــبــيـله
ترى ان تجمعنا وجيناك بعجر === والله لاحرمك من هوى التقبيله
قلت انتي تهذرين من قل العقل === انشهد انك ياعجوز هبيله
نادو عليها ياضبيات المهى === ثم اطردوها لاتكون نزيله
قاموالها الخفرات جمعن كلهن === وصاحوا عليها صيحة التكميله
وقفت عجوز ابليس تمشي وتلتفت === واثويبها رفرف يبي التشميله
تومي بكرعان لها يوم ادبرت === تشبه لشهري يموح بذيله
فزنا وصفقنا عليها وشردت === وتنكلت منا ياوي تنكيله
وصلاة ربي عد ما هل المطر === على النبي المختار راعي الفضيله
توقيع : المغامر الشمالي |
الله من عينن طرقها صواديف # عميت ويبس العروق السخافي
شفة الوزا بالعين من عرض ماشيف # شفته وغيري من فطن له وشافي
كم واحد جاله زمانه على الكيف # واغترته نفسه يبا الجود وافي
يطلع مطاليع العلا بالسواليف # بين العذار عد روحه سنافي |
|