.. تعبت من ممشى على غير مشهاي ..

[عمر]

تعبت مـن ممشـى علـى غيـر مشهـاي

و تعبت من صبـرن علـى غيـر غايـه

طاحـت عـزومـي لـيـن قـلّـت نـوايـاي

وابعـدت مـن مـبـداي صــوب النهـايـه

الوقـت ذا هـو هـو بطبعـه و انـا ايـاي

انـــا صـــدوق وذا زمــــان الـدعـايــه

يالله ان تعـاونـي عـلـى كـبــر بـلــواي

ويالله ان تـقـدّيـنـي طــريــق الـهـدايــه

أشكي من الماضي و خوفي من الجاي

ولـــي فـــي مـلـمّـات اللـيـالـي درايـــه

لو كنت اعرف دواي ما خفت من داي

آخـيــر مـــن طـبّــة طـبـيـب الـوقـايـه

سبحـان مــن يـعـرف مقاسـيـم دنـيـاي

فــي صفحـتـن مــا تنـعـرض للـقـرايـه

إليـا غـدى وقتـي جـزوعٍ مـن احـكـاي

أدوي بهـاجـوسـي عـلــى كـــل نــايــه

وليا كسرنـي هاجسـي صـوب مركـاي

فـايــه جـبـرنـي نـخــوة دمـــوع آيــــه

وان شفت همّي ما نقص مـن تشكـواي

اخـتـرت مــن نـطـح الهـمـوم القـفـايـه

وقتـن غـدى كنـه عـلـيّ اكـبـر عــداي

يــفــرح عــلــي مجـمّـعـيـن الـوشـايــه

صادمت صكّات الزمـن بـأول صبـاي

و صادمـت قـد شيبـي بـراس المـرايـه

أستمع هنا لشيله







الشاعر صالح ال مانعه

[سليمان]

يسلمو حياتؤؤ على ماتفنن

فيه قلمك من مواضيع اكثر من رائعه

كل حبي وودي