أرض موت الحلم و المحبين

[سنفور طارق]

انتهت رحلت حياتي..

انتهى حبي وضاااااااااع..

انتهت كل الأماني..

وضاعت أحلامي بالنهايه..

سألت قائد المركب ؟؟

ليه كل هالرحله حزينه؟؟

ليه من البدايه للنهايه كائيبه؟؟

جاوبت نفسي بنفسي:

لأن الحزن مكتوب..

جاوبتها:

لأن قائد المركب خيال..

جاوبتها وحاولت بعد الجواب أغلق هالكتاب..

كتاب هالرحله..

كتبت فيه البدايه للنهايه..

أبحرت من مدينة كل الخلايق فيها محبين..

بس انتهى بالسفينة في مكان ..

مكان فيه ناس..

لكنهم..

ناس ما يعرفون كيف الحب وعذابه..

ناس أي واحد يحب محكوم على حبه إعدام..

يعدمونه قبل حبه يبتدي..

وحاولت أبحر من جديد..



بس انتهى وقت المغيب..

وجاء الليل.. وحل على ها الناس بظلامه..

حاولت ألقى بيت ضوه مشتعل..

لقيت لي بيت فيه شمعه وكانت تذوب وتنتهي..

ناظرتها..

هذا أنا..

إذا ظليت بها المكان..

راح أموت وأنتهي..

حطيت راسي بجنبها وغفيت..

صحيت الصبح على صوت عصفور..

يغرد بلحن جميل..

أبتسمت.. وما فهمت أش قاعد يقول..

خرجت من ها البيت ..

لقيت الناس رايحه تترزق الله..

جلست أتأمل ..

وجتني عجوز..

تبسمت لي..

وجلست بجنبي وهي تقول:

من وين جايه؟؟

قلت:

من أرض الحلم والمحبين..

قالت:

و وصلتي لأرض موت الحلم والمحبين..

هنا ما في حب..

لكن فيه وفاء..

ناظرتها مستغربه!!

قالت:

يا بنيتي لا تستغربين..

يموت المحبين..

لكنهم موفين..

يكتبون الوصية .. ويندفنوا بقبر واحد..





قمت من عندها وأنا أفكر..

ما في أمل بها المكان..

كل أمالي تبخرت..

لازم أبحر..

ولأرض المحبين أوصل..

رحت لمركبي..

وأبحرت فيه..

وصلت لأرضهم..

لكني انصدمت بالواقع..

هذي ما هي بأرض المحبين..

لقيت نفسي بأرض..

حاولت أعرف ..

ما قدرت..

ونزلت من مركبي..

وجتني العجوز أللي من شوي..

قالت:

ليه رجعتي؟؟

قلت:

مدري كيف أنا رجعت لها المكان؟؟

قالت:

أكيد انتي تحبين ..

ولازم تموتين..

ترجيتها ما تخبر أحد..

ما سمعت غير صراخها..

ألحقوني..

تجمعوا حولي وكتفوني..

بكيت.. صرخت..

وما أتركوني..

جروني لحبل المشنقه..

حطوا الحبل على رقبتي وأنا أصيح..

لا تقتلوني..

لا تقتلوا حبي وأحلامي.

لكنهم ما يسمعون..

قلت:

خلوني أكتب وصيتي..

كتبت اسمه..

من ضمن الوصيه..

بس هو حي وراح يقتلونه..

حاولت أمسح اسمه..

أخذوا الوصيه وما قدرت أمسحه..

شافوا اسمه..

وفكوا الحبل وراحوا عني..

ناديتهم..

وما ردوا علي..

عرفت إن أللي حبيبه يموت ما يقتلونه..

جلست أبكي..

أقتلوني..

ليه ما تسمعون؟؟

ما جاوبوني..





وكانت رحلتي مره..

أنقتل حبي..

انتهى حلمي وضاااااااااااااااااااع..

وجفت دموعي..

وما قدرت أوصف شعوري..

و أغلقت كتاب ها الرحله..

وكانت الرحلة حزييينه..