العلم ماهو هرج حنا وحنا

[سعود العتيبي]

يالله تيسر رزقنا في وطنا
ناخذ من الوسم المسمى وسيمه

نقبل ويقفون هل الشر عنا
نوٍ صدوق اسقى كبودٍ محيمه

ناخذ ونعطي والمواثيق حنا
معنا الرسن ونزوده بالشكيمه

وان زادت الحمله تحمل جملنا
وللعرف والحكمه عقولٍ حكيمه

ياساري الظلما خذ العلم منا
والا تبعد واترك شداد ريمه

لو يشرب الكاس الهني المعنا
محرم ونفسه ضاريه بالحريمه

واللي يقول ان الليالي عطنا
من كسب الاعداء للمجاهد غنيمه

من ديننا من شرعنا طبع أهلنا
قاماتنا لرضاء وطنا مقيمه

لاجل الوطن باعلى المنازل نزلنا
ملهاب قيضه مثل بارد نسيمه

ابناء وطن عن واجبه ماغفلنا
لو من صفا صفوه يغطيه غيمه

دليت دلوي والحوادي حدنا
والعقم ينسب للحياة العقيمه

بعلمي وتوفيق الولي ماجهلنا
اعلنتها فزعه ونخوة وشيمه

وشلون يمنا صاحبي تمتحنا
مديت يمنايه وجتني قسيمه

جتني وانا في ماقفي ماتونا
اسرج حصاني والنوايا سليمه

العلم ماهو هرج حنا وحنا
العلم حاسيه الخصيم لخصيمه

لزوم راعي اللازمه مايونا
من الشراره يحرقون الهشيمه

بصدورنا نقبل وجاء من طعنا
بظهورنا كن العداوه قديمه

شر الحسد يهدم بيوت تبنا
وجنب هله عن خطة مستقيمه

فزعة هل البل يطلقون المثنا
يبا يخلونه يذب الخريمه

بعض التصرف والامور تغبنا
من الخيانة والخيانة جريمه

للحق قول وقولنا يوم قلنا
حق وحقايق مابدعنا الظليمه

اما وصلنا ولاتنا ماوصلنا
مانقتنع بمكبرين الوليمه

يادرعنا ياريفنا من محنا
الجو غيم واقتفى السيل ديمه

لارخى ذراعه بارد الجأش بنَا
على الولاء والطاعه المستديمه

وحنا هل الهقوات من يوم كنا
لأجل الوطن مانقتنع بالهزيمه


سعود بن بدر بن مسعود بن قميشه العتيبي

[ابو صهيب]

الأخ الشيخ الشاعر سعود بن بدر بن مسعود بن قميشه العتيبي
السلام عليكم ورحمة الله وبركاته
و الله و النعم :da2:و الجود:da2: كفو حق الله و ما عليكم زود:rose:
صح لسانك :khafji(33):

[جوال سريع]

الله الله ماكنا نعرف ان لك بلاغة في الشعر ربي يباركلك

[جلال 2]

و الان عرفنى الشيخ سعود شاعر و ما أدراك ما الشاعر

[سالم ابو وجد]

السلام عليكم
صح لسان شاعرنا
اخوك ابو وجد .

[سعود العتيبي]

شكرا لكم مروركم اخواني ابو صهيب وجوال سريع وجلال 2 وسالم ابو وجد . لكن هل فككتم وحللتم شفرات واشارات هذه الابيات ؟

[إبن الأكرمين]

.................................... ؟

[إبن الأكرمين]

جانا المطر والخير من يوم كنا
والقفار تخفي إشارة صريحة

وبديار شيخنا سعود يوم نزلنا
بالمضارب والمضارب فسيحة

يصح لسان الأصيل الكان منا
يدل الخير بالكلمة الفصيحة

و إبن الأجاويد بمقاله يمتحنا
بهودجه عالي وأرضه طريحة

إن حق راعي اللازمة ما يونا
نطفي نارها لو كانت شريحة

[ابو صهيب]

يالله تيسر رزقنا في وطنا ناخذ من الوسم المسـمى وسيمـه
يسر الله لك الخير حيث كان وبارك لك فيه
لاجل الوطن باعلى المنازل نزلنا ملهاب قيضه مثل بارد نسيمه
الوطن أغلى ما يملكه الإنسان و لا يعدله شيئ
بعلمي وتوفيق الولي ماجهلنا اعلنتها فزعـه ونخوة و شيمـــه
إبشر بالفزعة يا أهل النخوة و الشيم
شر الحسد يهدم بيوت تبنا و جنب هله عن خطـة مستقيمـه
الحسود لا يسود أعاذ الله السعودية وأهلها من شر كل حاسد
للحق قول و قولنا يوم قلنا حـق وحقـايـق مابدعنـا الظليمـــة
كفو حق الله , أبعدكم الله عن الظلم
اما و صلنـا و لاتنـا مـا و صلنـا مـا نقتنــع بمكبــريـن الـوليمـــه
وصلتم إلى الخير والوليمة بالصدق وليست بالسبق والضخامة
وحنا هل الهقـوات من يوم كنـا لأجل الوطن مانقتنـع بالهزيمـه
كفو والله ما عليكوا زود رجال أبو متعب حماكم الله
:khafji(21):

[رهين العز]

صح إلله لســآنك يـآ من تغنــآ ~ من علىآ رآس إلكـرم وإلغنيمـه

ஜ ஜ ஜ

سـلامـي عـليكـم سـلآمً مثـنــا
عليه من وآفي إلهــرج سيمــه
بآإلخير و إلخيـَـر في مآتمنـىآ
عفؤ إلابدإن للعـقـول إلحكيمـه
وياهناديب اللي سوانيه اطربنا
مآحل أرشآك وذبه في خريمه
دإم البـيـر وجـمـتـه لك تسّـنــآ
أرّخ لمسـآبيلها حـِوز إلغنيمــه
أمـآ تـوخـَىآ (عنك) ولآ تـؤنــا
ولأيفهقبه ألزند ويقدح صميمه
راس مآل إلظوامي قـولت مهنا
ومقيط بمهفـه دآركته ألوخيمـه
غنيبه ألمسحوب وغنى مهيجّنا
درسًا عزف للألـم معنى لئيمـه
ولختآمها ياسعود هـآكم نيآشنـا
نيشـآن من ذخر فيك إلحشيمه
ومثنا سلامي ياسمي طويق ثنا
كما برقـاًً سبـق وبل.. إلرزيمه

[علوووش]

الاخ سعود العتيبي
صح لسانك
شاعر وتسوق الشعر سوق
ما قول غير سيل تحدر من فوق